Hemelse Vader, maak my tog 'n beter ouer. Help my om my kinders beter te verstaan, om geduldig te luister wat hulle te se het en om hulle vrae geduldig te beantwoord. Leer my om so beleefd teenoor hulle te wees as wat ek verwag dat hulle teenoor my moet wees. Laat my beslis wees sonder om hulle uit die hoogte te veneder. Gee my die moed om te erken as ek hulle verkeerd behandel het en om hulle om verskoning te vra. Laat ek nooit hulle gevoelens seermaak deur hulle uit te lag oor hulle foute of hulle bespotlik te maak nie. Mag ek hulle nooit in die versoeking stel om te lieg of te steel nie. Mag my eie voorbeeld gedurig vir hulle wys dat eerlikheid en opregtheid 'n mens gelukkig maak. Help my om hulle aan te moedig sonder foutvindery. Laat my die goeie dinge raaksien wat hulle doen en hulle daarvoor waardering gee. Laat my tog altyd hulle ouderdom onthou sodat ek nie die oordeel en gedrag van grootmense van hulle vewag nie. Laat my hulle tog nie die vreugde ontneem van kind te wees nie. Help my om, wanneer ek hulle straf, dit nooit te doen om myself te bevredig nie. Wys my wanneer 'n versoek van hulle redelik is sodat ek daaraan kan toegee. Maar gee my ook die moed om nee te se as ek weet dit is iets wat vir hulle skadelik sal wees. Laat my so eerlik en regverdig wees met soveel bedagsaamheid dat hulle vir my agting kan he en my kan liefhe terselfdertyd. Maak my so gehoorsaam aan U dat hulle my voorbeeld met vrymoedigheid kan navolg. Amen.
