Pieter Groenewald

Dr. Pieter Groenewald is 'n Suid-Afrikaanse politikus.

Afrikaner

• "Dit is belangrik dat die wêreld deurlopend en eerstehands kennis neem van die situasie in Suid-Afrika wat alle menseregtevergrype en ander vergrype van die regering insluit. Dit is waarom dit van die grootste belang is dat die Afrikaner op die internasionale verhoog by 'n organisasie soos UNPO 'n stem en verteenwoordiging het,” sê dr. Groenewald." (Na sy verkiesing tot die dagbestuur van die Organisasie van Nie-verteenwoordigde Nasies en Volkere)
• "Ons [die Vryheidsfront Plus] betreur die groot toename in die marginalisering van minderheidsgroepe in Suid-Afrika en die deurlopende rassepolarisasie wat deur die Suid-Afrikaanse regering en sy president teen die Afrikaner-minderheid gevoer word."

Grondonteiening

• "Dit is uiters gevaarlik en onverantwoordelik om te dreig dat grond sonder vergoeding van wettige eienaars afgevat kan word aangesien so 'n situasie selfs tot 'n burgeroorlog kan lei."
• "Boere is bereid om met die proses te help. Hulle is bereid om mentorskap te gee en hulle doen dit reeds. Daar word egter nie gebruik gemaak van hierdie welwillendheid van die boere in besonder waar dit gaan oor landbougrond nie."

Eksterne skakels

• Wikipedia huisves 'n ensiklopediese artikel oor Pieter Groenewald.