C.J. Langenhoven

Cornelis Jacob Langenhoven (13 Augustus 1873 - 15 Julie 1932), ook bekend as C.J. Langenhoven en Sagmoedige Neelsie, Afrikaanse digter.

[wysig] Met bronne

Luister nou - daar is nie nog 'n ding of stof of selfstandigheid wat hom gedra soos water nie.
- In die Nuwe Afrikaanse Kinderensiklopedie X aangehaal.

Hou jou glimlag vir jou vyand, jou trane vir jou vriend, jou hart vir jou ewemens, jou oordeel vir jouself en jou gewete vir jou God.
Maak in die somer hout bymekaar en sit in die winter by die vuur.
Moenie in jou lewenstyd jou besit onder jou kinders uitdeel nie. As hulle spandabel is, sal hulle dit verwaarloos en as hulle inhalig is, sal hulle jou verwaarloos.

As die kortpad die beste was sou die hoofpad daar geloop het.
Aan elke silwer randjie is daar 'n wolk.
Beleefdheid is die hoedanigheid van hart wat die stukkende hekkie nie raak sien nie en die aandag vestig op die blomme in die tuin daaragter.
Behandel jou meerdere met beleefdheid omdat dit jou plig is, jou gelyke omdat dit jou plesier is, jou mindere omdat dit jou voorreg is.
Dieselfde water draai die wyse se meule wat die dwaas se grond verspoel.
Gee 'n man wat jy hom skuld voordat hy dit vra, en jou raad nadat hy dit gevra het.
Gekke en dwase skryf op mure en glase.
Jou kind sal sy geleerdheid nog by die skool agterlaat; sy opvoeding sal hom vergesel tot in die graf.
Liefde is nie kunsmatig nie.
Maak jou vriendelikheid goedkoop en hou jou vriendskap duur.
Moenie vriendskap en besigheid meng nie- jy bederf albei.
Soos 'n skeermes in die hand van 'n aap, só is geleerdheid in die kop van 'n dwaas.
Wie liefde verwar met sinnelikheid, sien 'n engel aan vir 'n aap.